पंढरपूर शहरातही मनसेकडून प्रचाराचा धडाका गरिबांच्या प्रश्नांची जाण असणाऱ्या उमेदवाराला निवडून द्या : दिलीप धोत्रे
पंढरपूर शहरातही मनसेकडून प्रचाराचा धडाका
गरिबांच्या प्रश्नांची जाण असणाऱ्या उमेदवाराला निवडून द्या : दिलीप धोत्रे
पंढरपूर /प्रतिनिधी
पंढरपूर मंगळवेढा विधानसभा मतदारसंघात निवडणुकीच्या प्रचाराची रणधुमाळी जोरदार सुरू झाली आहे.
निवडणुकीचा प्रचार अंतिम टप्प्याकडे जात असताना उमेदवारांकडून होम टू होम प्रचारवर भर दिला जात आहे.
प्रचार फेरी, कॉर्नर सभा, जाहीर सभेच्या माध्यमातून शेवटच्या मतदारापर्यंत पोहोचण्याचा प्रयत्न केला जात आहे.
महाराष्ट्र नवनिर्माण सेनेचे पंढरपूर मंगळवेढा विधानसभा मतदारसंघाचे अधिकृत उमेदवार दिलीप धोत्रे यांनी मंगळवेढा शहर आणि तालुक्यात प्रचाराचा धुराळा उडून ते पंढरपूर शहरात जोरदार प्रचार करताना दिसत आहेत.
मंगळवारी मनसे उमेदवार दिलीप धोत्रे यांच्या प्रचारार्थ पंढरपूर शहरातील विविध ठिकाणी सभेचे आयोजन करण्यात येत आहे.
त्यांचे पंढरपूर शहरात नागरिकांकडून जोरदार स्वागत करण्यात येत आहे.
कुंभार गल्ली येथे आयोजित करण्यात आलेल्या सभेत नागरिकांनी अनेक वर्षांपासून प्रलंबित असलेल्या रस्त्याची समस्या सोडवण्याची विनंती केल्यानंतर दिलीप धोत्रे यांनी तात्काळ रस्ता पूर्ण करण्याचे आश्वासन दिले.
यावेळी दिलीप धोत्रे यांच्या उपस्थितीत पंढरपूर येथील शेकडो कार्यकर्त्यांनी त्यांना पाठिंबा देत प्रवेश केला.
